August 13, 2015 — zenobeebee
法國雞蛋的密碼
住喺法國嘅朋友每次去超級市場買餸嘅時候一定會留意到雞蛋上邊總係印上了紅色嘅數字，有時我哋會見到0或者1、2、3 ,究竟呢啲數字背後隱藏左咩秘密呢？
原來在法國，食雞蛋都要講級數！不同的養殖方法造就了雞蛋不同的命運。同食生蠔一樣，數字越細就越貴。
能夠生出零號雞蛋的母雞真係不枉為一隻幸運的母雞，生出零號雞蛋的母雞大部份時間都是在戶外自由走動，吃的都是有機嘅靚野，養殖人員甚至會認真得限制走到室內休息的母雞的「人數」以確保牠們的居住環境不致太擠湧。生出1號雞蛋的母雞，牠們條命都生得唔太差，白天的時候絕大多數時間在戶外自由走動，跟0號雞蛋的分別僅在於牠們吃的不僅是有機飼料。
http://www.oeufs.org 由PMAF (世界農場動物保護協會）寫關於雞蛋資訊的網頁。
2號雞蛋的母雞就無咁好命，牠們生活在建築物裡，比如室內的養殖場，雖然也可以自由走動，卻無法接觸大自然。
3號雞蛋嘅母雞好苦命，被困在傳統雞籠被養殖，大概四至五隻母雞被困一個籠，每隻雞佔嘅空間大概是一張A4紙的大小，牠們或者，就只是為了生蛋，好可憐！
所以，法國人去買雞蛋時都小心翼翼的檢查雞蛋上印上的紅字，從以得知生這雞蛋的母雞的生活狀況如何，因為嘛，你吃的雞蛋如何，你的心情也如何！隨着數字的大細，雞蛋嘅價錢都有分別，六隻的價錢可以大拿拿差成個兩歐的。
以前做學生嘅時候好窮，我頂多都係食二號嘅雞蛋，大部份時間我都係食3號嘅雞蛋（淚～），唔知會唔會因為咁所以我都比隻母雞的生活狀況影響個人都比較神經質呢？！
不過呢啲都成為過去喇！！！
現在我人在普羅旺斯，朋友個爸爸屋企係自己養殖母雞的！
絕對保證二十四小時任隻母雞鍾意行喺邊度就邊度，在完全沒污染的空氣和自然環境下，隻母雞就好似普羅旺斯本地人一樣咁開心，吃的都是有機飼料，所以我們家的雞蛋係直頭連紅色的數字都欠奉 ，間中還有雞蛋痴著一些雞毛，好不新鮮！是真真正正的有機雞蛋！
隨著養雞的時間越久，母雞和雞蛋也都越來越多，我們開始處理不了那麼多的雞蛋，最近還做埋分銷，賣給鄰居或附近的親戚，所以在郊區看到無紅色印的雞蛋，絕對比0號雞蛋還要珍貴 ❤ !
zenobeebee à paris 