學法文 FAQ 1: 學法文要學幾耐先應付到日常生活呢？

香港朋友來巴黎與他們食飯點菜後，無不問我：「嘩！到底要學幾耐法文先可以講到咁？」

雖然無學法文的人聽唔明我同侍應講乜，但說真的我來了兩年了如果連咁基本的嗌餸食飯都唔識也應該執包袱走了，而且上餐廳點菜問要水、要叉、要碟……等等都是基本，來去的動詞名詞也是同一堆，所以不要再在我點菜之後覺得驚訝，真的沒甚麼大不了啊！:DDDDD

我也答不出到底幾時開始學識點菜，好像是打從一開始就會自然而然講法文的了，但以前會講得好慢，而以前剛來時有時點白開水/水喉水時講”carafe d’eau”侍應也因為我的”R”音發得不好而要多說一遍才明白。

點菜的動詞都離不開 “Je voudrais”、”Je prends”……到後期懶，有時只up 野食再加 “s’il vous plait” 就算了！另一方面，說實話，現在餐牌上的東西我也不是100%懂的，有時也要查 itranslate 😛

能夠應付日常生活，買吓野、問下路、問下啲程序、需要咩文件、自我介紹下，其實學兩個月法文我覺得都可以了。同人開始傾到偈，發表個人感受和見解，我的情況……回想起，可能是七個月吧，（對我來說，到B1 學識咗subjunctive好開心！可以表達好多個人感受觀點，非常有用，這也是我最最最喜愛的tense ❤ ）但如果講到法文到底是何時開始能夠跟法國人對話順利得像打羽毛球般好似有小小發發聲有來有往 🙂 我的個人經驗，也好可能是住了一年的事情，特別是第一年暑假去了法國人家庭做wwoofing 四個禮拜，他們有的完全不講英文，迫住我講法文，迫住的程度是我有一晚在農場發夢是講法文，醒咗都一額汗！

不過，這條FAQ 又是因人而異的問題，因素取決於你有幾叻、你有幾努力同埋你有幾融入法國生活。

我呢！就都幾唔上進的。。。學法文的一年是我人生的蜜月期，我先唔會摧毀我既巴黎生活，頭半年抱遊學心態好輕鬆的返學和去玩，加上初來報到日常生活也有不少事情要settle和適應，我在家裡除非第二日有測驗否則唔願溫書，解決生活上問題有時能夠講英文也是我學法文的一個障礙。

但我會睇電視新聞、睇免費報紙，增加vocabs 之餘也update 自己一下周遭在發生甚麼事，也會去一些 polyglots 活動識朋友、玩 language exchange。

如果努力過我，或者有個法國人日日同你講法文，也不一定需要一年！ 🙂 又或者去打工，我身邊有在法國打工的朋友，法文都進步得很快！

身邊有唔特別叻又唔努力的朋友，但因為法國朋友多，會話會講得好學得快，但可能grammar 就差d。

你好勤力，grammar 可以好好，但唔代表你出街可以講得令人明白及聽得明人地講乜。

亦都有好多亞洲人來去都只跟亞洲人在一起結果來了五、六年法文可能還是不會講的都有！

其實就好似香港人學英文咁，以前我的年代呀，人人都是K1 由ABC學起，（現在的小朋友可能是不是一歲就要學了？！）到中五人人都一起考會考了，咁點樣考到A點樣考到E都係因人而異，所以這條問題嘛，跟之前那題一樣，並不存在標準答案的！