其實除了時事以外，我個人並沒有太緊貼香港，即例如我並唔知道而家香港到底興緊啲乜，興咩o野食、興玩啲咩、興啲咩 Apps，希望今次講的 Uber 並沒有太過 outdated 😛

啱啱呢次去美國，除了會合一個香港朋友在 New York玩起，再到Orlando、Key West、Miami，之後飛去西岸 San Francisco外，她走了以後，我就去咗探一個我在巴黎學法文時結識的伊朗Friend，說她是波斯人倒不如說她徹頭徹尾一個美國妹 :3 Anyway，我就這樣賴在她家兩星期。

我們間唔時搭 Cal Train 出城到San Francisco 玩，她家姐住在San Fran Downtown，反正在巴黎時都識的（她倆當時一起來巴黎生活），所以在三藩市期間我們就去咗她家打地鋪。

San Fran 交通超方便，加上到處都幾乎三語廣播：英語、廣東話（！）、西班牙文，讓我非常之咁 Feel like HOME ❤

第二朝，朋友家姐叫我哋唔好走去搭巴士、MUNI 咁麻煩：「用 Uber啦，加上第一次登記，你哋每人即有20USD 免費搭車的 credit，這樣分分鐘你哋今日一蚊都唔駛就可以舒舒服服的在城市裡遊走。」（那時做緊個 Promotion 是她姐姐推薦我哋用就每人賺20USD）

其實我也有聽說過 Uber（巴黎也有！），但其實從來無登記過，於是我同朋友第一次登記試搭。

姐姐補充說：「而家San Francisco 無人搭的士o架喇，個個都用 Uber！」

我和朋友對望：大鑊！我哋好唔 local 呀！尋日才在Cal Train 搭咗的士過來 😦

登記，試搭，超簡易，一搭便愛上了。

先在手機下載Uber apps，以信用卡申請賬號。需要車時，只須在Uber程式內的地圖指定地點上車，抵達目的地後，賬單將寄至你的 Email，車資從用者戶口內以信用卡自動轉賬，完全不涉現金。

以上是我剛剛亂咁 Screen Cap Uber Apps 個畫面，所以是巴黎來的。將個綠色浮標揀啱你想上車的地點再㩒右邊的小箭咀，你已經送出咗 request，附近的司機想來接你就會 accept request 再話你知幾耐之後到。下面可以揀車種（Uber POP, Uber X, Black Car, Van 四種），我通常用 Uber X，收費最便宜的車種。

我們第一次搭是從姐姐的家搭去China Town 飲茶，按下 Request後，車子說5分鐘之內就到，其間可以o係個畫面度見到司機的車越來越接近你，仲會提供埋車牌號碼、車款及司機名字給你的。

我：「好緊張呀!!! 你個 Javier o黎緊喇！」<3 ❤ ❤

我再叮囑我個Friend：「等陣你負責 Social，我唔講嘢架哈哈！」西岸的人三唔識七都傾到雞啄唔斷令我有時有點倦，而我呢個美國妹都好擅長搭訕，佢負責同人應酬我就安樂晒。

Javier o黎到喇，車子新淨，司機超 Nice。

落車就會收到 Email 告知你程車幾錢，有Receipt。

之後我地再搭咗兩次，其中一次好正。

司機 Jason 打開個櫃筒，超~多~朱~古~力：「隨便食吖！」再拿出各種 USB 線：「喂！可以叉電喎！」好體貼呀！！！

搭過3次，3次的司機都很友善，而且車子很新很乾淨，比搭的士開心好多！

最重要係如果選 Uber X 的車，車資普遍比的士便宜，更更更加重要是，因為沒有現金交收，Uber 服務唔需要俾 Tips，比每次搭的士慳約2蚊美金。

其實香港都有 Uber，不過我不知道普及不普及。

巴黎都幾興 Uber o架！又因為巴黎是蠻難截的士的城市，周六晚更加是恐怖，我曾經在周六夜晚在 chatelet個的士站等咗一粒鐘都未到我上車，Uber Apps 是我在巴黎的恩物 ❤ ❤ ❤

而其實 Uber 服務遍佈北美、中南美、歐洲與多個亞太區城市，大家不妨 Download兼 Reg定以備去旅行時的不時之需。

大家都試吓搭啦！登入呢個網址 https://uber.com/invite/uberzenobeebee 登記，可以有10 Euros credit 試搭。你仲可以叫多啲 Friend 登記，朋友每reg + 搭一次你都可以儲 credit o架！

利申：所以你用我上面條link reg + 搭 咗我都會有回贈囉！但你哋千祈唔好因為想益我而夾硬走去登記走去坐車，有需要先reg + 搭啦，我地 win win 雙贏o架！大家千祈唔好做出啲勉強自己的事情。

完。

（補充：法國版 Uber Facebook Page https://www.facebook.com/UberFrance）