今次我又再講吓法國的手機月費。

大概兩年前我寫過一篇，如下。

（載於《新假期》666期）

我是2011年9月份到法國的，那時除了 Free 以外，手機月費都幾貴吓~~~ 但因為那時對於無實體店的 Free，我覺得好無安全感，萬一……萬一我收費有問題、點樣打唔通……下下要打去用法文問，那時的我肯定無法 Handle，而且學校隔離就是SFR，於是我一開始用的是SFR，記憶中是30歐一個月，但每個月得o個120分鐘，你無睇錯！真係120分鐘！500Mo 上網同埋無限 Text。

不過因為戒咗勁講電話呢個習慣，120分鐘一個月都撐得住。

後來我再轉左個勁啲，就是40歐一個月，任打法國手機固網 + 任 text + 3Go 上網。一直都相安無事。

直至一年前左右，法國的telecom companies 展開了激烈的減價戰，Bouygues 同 Free 等割喉價十幾歐就有無限分鐘，如果俾多小小錢，仲可以任打國外（指定國家）手機和固網。

我身邊也有些香港朋友用 Bouygues，見住佢地咁爽可以隨時隨地打返香港，我都當然好想申請，但因為一直都有合約在身，綁死咗，直至到剛剛的三月底，因為要去美國，所以就把心一橫cut咗舊電話，回來法國再申請新的號碼。

（講開 cut 電話、解約，又是另一難事，下回再分享。）

咁我終於去完美國玩完捨得回來了。一落機返家擺低行李，都市人第一時間仆去門市買Sim Card（其實也可以上網買，但要等他寄來倒一如自己去買快一點有電話用！）。Sim Card 價錢是10歐一張，買到咭後，上網以銀行戶口、護照等資料登記好就可以選自己想要的 Forfait，我選的是19.9歐/月。

店員說大概需時兩日去activate 張咭，可是三小時後，我就收到 email，確認咭已可使用及告訴我電話號碼是甚麼。

有了新的手機號，感覺就是生活的一種重新似的。無錯，旅行回來，我其實也有點厭了常常去玩的生活，我也想努力做一些事。

不過，首要任務就是研究一下我可以免費打給誰（我知道我的朋友開始害怕了。。。）

固網電話，我可以打給很多國家啊：比利時、丹麥、中國、阿拉斯加、加拿大、美國、愛沙尼亞、希臘、芬蘭、拉脫維亞、摩納哥、挪威、克羅地亞、捷克、斯洛文尼亞、夏威夷、香港、澳門、瑞士、芃帝岡、荷蘭、英國、羅馬尼亞、西班牙、葡葡牙、馬爾他、匈牙利、摩洛哥、意大利、愛爾蘭……好多，仲有好多法屬群島。

手機方面，可以打美、加、中國、香港、澳門、還有一些法屬群島。

還有阿爾及尼亞可以打10小時固網。

（可參考：https://assistance.b-and-you.fr/questions/88884-forfaits-destinations-incluses-illimite-international-etranger-dom-com）

其實我本身屋企個 Neuf Box 已經可以打幾乎全球固網電話不用錢，不過手提都有呢個功效，確實好開心。自從我張Sim Card 一 activate，我就狂 catch up 番香港啲朋友 😛 仲有我阿媽。

雖然呢個 forfait 都存在了一整年，但到自己親身用，仍然覺得好好好AmazinG*

我而家日日都會o係街度突然無聊打俾我媽咪，頭幾次佢明明把聲都好開心架，到呢兩日佢可能開始厭喇，佢話：「又係你呀？？？」、「你唔駛成日打番黎架！」咁樣，仲叫我打下俾公公婆婆想駛開我！！！

推介各位在法國的朋友都用呢個 Forfait 一齊煩住屋企人 :3

*補充番：呢個月費計劃重點是不 ‧ 用 ‧ 簽 ‧ 約！！！